सिटिजन्स बैंकको नाफा १२ प्रतिशतले बढेर २२ करोड पुग्यो, खराब ऋणको अंश पनि बढ्यो



२०६९ साउन २४ गते ००:००
सिटिजन्स बैंकको नाफा १२ प्रतिशतले बढेर २२ करोड पुग्यो, खराब ऋणको अंश पनि बढ्यो


काठमाडौं । सिटिजन्स बैंक इन्टरेनसनलले १२.४१ प्रतिशतले नाफा वढाएर २२ करोड २९ लाख रुपैयाँ पुर्याएको छ । नाफाबाट बैंकले सेयरधनीलाई १० प्रतिशतको हाराहारीमा लाभंश बाँड्न सक्छ । बैकको प्रति सेयर आम्दानी पनि १० रुपैयाँ ६१ पैसा छ । बैंकले गत वर्ष ब्याज नख्वाएको (खराव) ऋण उठाएकाले नाफा वढेको हो । यद्यपी व्याज आम्दनी पनि २.७८ प्रतिशतले वढेको छ । बैंकले ७ करोड ९४ लाख रुपैयाँ खराव ऋण उठाएको छ । संभावित नोक्सानीमा ठूलो रकम नछट्याउनु परेको भए बैंकको नाफा थप १० करोड रुपैयाँले वढ्ने थियो ।
बैंकले नाफाबाट संभावित नोक्सानीमा १२.४१ प्रतिशत रकम वढी अर्थात १२ करोड ६७ लाख रुपैयाँ छुट्याएको छ । बैंकको अघिल्लो वर्षको भन्दा खराव ऋण पनि केही वढेको छ । बैंकको खराव ऋण १.१७ प्रतिशतबाट वढेर २.०१ प्रतिशत पुगेको छ । यसले बैंकको नाफा केही प्रभावित पारेको हो ।
बैंकको कुल ऋण १५.१९ प्रतिशतले वढेर १४ अर्ब ४१ करोड रुपैयाँ पुगेको छ । निक्षेपको वृद्धि २८.७५ प्रतिशत छ । बैंकको निक्षेप १७ अर्ब ३५ करोड रुपैयाँ छ । निक्षेपको अनुपातमा  ऋण वढ्न नसकेकाले बैंकको कुल ब्याज आम्दानी जम्मा २.७८ प्रतिशतले वढेर ५७ करोड ४४ लाख रुपैयाँ पुगेको छ । बैंकले यो अवधिमा घरजग्गा ऋण ६.६८ प्रतिशतले घटाएको छ । घरजग्गामा बैंकको ऋण २ अर्ब ५२ करोड रुपैयाँ छ ।
बैंकको पुँजी पर्याप्तता अनुपात १५.३१ प्रतिशतबाट वढेर १५.५८ प्रतिशत पुगेको छ । मूल्य आम्दानी अनुपात २१.६८ गुणा छ । प्रति सेयर नेटवर्थ १ सय १७ रुपैयाँ छ ।


Sunrise Bank
Tata
GBIME