काठमाडौं। नेपाली कांग्रेसको संसदीय दलको बैठक स्थगित भएको छ। बिहीबार दिउँसो २ बजेका लागि तय भएको बैठक शोकका कारण स्थगित भएको कांग्रेस केन्द्रीय कार्यालयका मुख्य सचिव कृष्ण पौडेलले बताए।
कांग्रेस ताप्लेजुङका नेता सुर्यमान गुरुङको निधनपछि कांग्रेसले संसदीय दलको बैठक स्थगित गरेको हो। गुरुङको मंगलबार दिउँसो ८४ वर्षको उमेरमा निधन भएको थियो।
उनको निधनमा शोक प्रस्ताव गर्न कांग्रेसले बिहीबार बिहान केन्द्रीय समितिको बैठक डाकेको थियो। उक्त बैठकले गुरुङ निधनमा शोक प्रस्ताव गरेको पौडेलले बताए।
