काठमाडौं। तारागाउँ रिजेन्सी होटल्सले चालु आर्थिक वर्ष तेस्रो त्रैमाससम्म ३३ करोड ३२ लाख रुपैयाँ खुद नाफा कमाएको छ।

कम्पनीले पोहोर ९ महिनाको तुलनामा यो वर्ष ३९.५४ प्रतिशतले नाफा बढाएको हो। तारागाउँ रिजेन्सीले पोहोर ९ महिनामा २३ करोड ८८ लाख रुपैयाँ खुद नाफा कमाएको थियो।

कम्पनीको सञ्चालन तथा अन्य आम्दानी वृद्धि हुँदा खुद नाफा बढेको हो। सञ्चालन आम्दानी ११.४२ प्रतिशतले वृद्धि भएको छ। चैतसम्म कम्पनीको १ अर्ब ९६ लाख रुपैयाँ छ।

पोहोर सोही अवधिमा कम्पनीको सञ्चालन आम्दानी ९० करोड ६१ लाख रुपैयाँ थियो।

१ अर्ब ९६ करोड रुपैयाँ चुक्ता पुँजी रहेको कम्पनीको प्रति सेयर आम्दानी १६.९९ रुपैयाँ र प्रति सेयर नेटवर्थ १३७.१९ रुपैयाँ छ।