काठमाडौं। एसियाली क्रिकेट परिषद् (एसीसी) प्रिमियर कपमा आज नेपालले साउदी अरबसँग प्रतिस्पर्धा गर्दैछ। समूह ‘ए’मा अपराजित रहेको नेपालले तीन खेलबाट ६ अंक जोड्दै समूह विजेता बन्ने पक्का गरिसकेको छ। समूह चरणका शीर्ष दुई टोली सेमिफाइनलमा पुग्नेछन्।
आजको खेलमा ओमनस्थित अल अमेरत स्टेडियममा मध्यान्ह पौने १२ बजे सुरु हुनेछ। टी-२० अन्तर्राष्ट्रियमा नेपाल र साउदी अरब पहिलो पटक आमनेसामने हुन लागेका हुन्।
जारी प्रतियोगितामा नेपालले पहिलो खेलमा मलेसियालाई ५ विकेटले, दोस्रो खेलमा कतारलाई ३२ रनले र तेस्रो खेलमा हङकङलाई ८ विकेटले हराएको थियो।
त्यस्तै, मलेसियासँग १२ रनको हार व्यहोर्दै प्रतियोगिताको सुरुवात गरेको साउदीले दोस्रो खेलमा हङकङलाई ५५ रनले हराएको थियो। तेस्रो खेलमा भने कतारसँग १५ रनको हार ब्यहोर्दा साउदीले २ अंक जोडेको छ।
नेपालका लागि आजको खेल प्रतिस्ठाका लागि मात्र हुनेछ भने साउदीले नेपाललाई हराउन सके समूह उपविजेता बन्दै सेमिफाइनल पुग्ने सम्भावना रहन्छ। टी-२० वरीयतामा नेपाल १७ औँ स्थानको टोली हो भने साउदी ३१ औँ स्थानको टोली हो।
समूह ‘ए’मा नेपाल, कतार, हङकङ, साउदी अरब र मलेसिया छन्।
