काठमाडौं। उद्यमी प्रदीप रुङ्टाले आत्महत्या दुरुत्साहन मुद्दामा सफाइ पाएका छन्। चितवन जिल्ला अदालतले बिहीबार उनलाई सफाइ दिएको हो।
न्यायाधीश डा. दिवाकर भट्टको एकल इजलासले रुङगटाको पक्षमा फैसला गर्दै अर्को पक्षको दाबी नपुग्ने जनाएको छ।
चितवनका पोल्ट्री व्यवसायी शंकरप्रसाद कँडेल मृत्यु प्रकरणमा उनीमाथि आत्महत्या दुरुत्साहनको मुद्दा लागेको थियो।
गत वैशाख १९ गते भरतपुर महानगरपालिका वडा नम्बर ३ बेल्चोकमा रहेको आफ्नै अफिसमा झुन्डिएको अवस्थामा आचार्य फेला परेका थिए।
प्रहरीले घटनास्थलबाट सुसाइड नोट फेला परेको थियो। सुसाइड नोटमा उनको व्यवसायसँग जोडिएका दुई जनाको नाम लिएका थिए। जसको आधारमा प्रहरीले घटनाको अनुसन्धान गरिरहेको थियो।