डेल टेक्नोलोजिजले गत आर्थिक वर्षमा १३ हजार कर्मचारी कटौती गरेको छ। फेब्रुअरी २ सम्म विश्वभरबाट डेलमा करिब १ लाख २० हजार कर्मचारी काम गरिरहेका कम्पनीले जनाएको छ।
यो संख्यता गत आर्थिक वर्षभन्दा १० प्रतिशतले कम हो।
पर्सनल कम्पयुटरको बिक्रि घट्दा डेलले सन् २०२३ को सुरुमा नै ६ हजार ६५० कर्मचारी कटौती गर्ने घोषणा गरेको थियो। तर, सन् २०२४ सम्म आइपुग्दा एक वर्षमै घोषणा गरिएको भन्दा दुई गुणा बढी कर्मचारी कटौती भएको हो।
डेलले यो वर्ष पनि खर्च कटौतीका लागि विभिन्न उपायहरुबारे अध्ययन गरिरहेको छ। डेलले चालु आर्थिक वर्ष (२०२४) मा थप खर्च कटौती गर्ने योजना बनाइरहेको छ।
