काठमाडौं। काठमाडौंको पूर्वाधार विकासमा समन्वय गर्न अन्तर निकाय समन्वय कार्यविधि तर्जुमा हुने भएको छ।
महानगर उपप्रमुख सुनिता डंगोलको अध्यक्षतामा मंगलबार बसेको पूर्वाधार समन्वय बैठकले कार्यविधिको मस्यौदा तयार पार्न ५ सदस्यीय समिति गठन गरेको छ।
समितिमा महानगरपालिका, सडक विभाग, नेपाल टेलिकम, नेपाल विद्युत प्राधिकरण र काठमाडौं उपत्यका खानेपानी लिमिटेड, आयोजना कार्यान्वयन निर्देशनालयका प्रतिनिधि रहनेछन्।
समितिले तयार पारेको मस्यौदाका विषयमा साझेदार सबैका बिचमा छलफल गराइने छ।
