काठमाडौं। सिंगटी हाइड्रो इनर्जी लिमिटेडले चौधौं वार्षिक साधारण सभा आह्वान गरेको छ। कम्पनी संचालक समितिको मंगलबार भएको बैठकले फागुन १ गतेका लागि सभा आह्वान गरेको हो।
सभा काठमाडौंको धुम्बाराहीस्थित धुम्रबराह भेन्युबाट संचालन गरिने भएको छ। कम्पनीले हकप्रद सेयर जारी गर्ने विशेष प्रस्तावसहित साधारण सभा आह्वान गरेको हो।
हकप्रद सेयर जारीका लागि कम्पनीको नियमावली तथा प्रबन्धपत्रमा आवश्यक संशोधन/ थपघट तथा परिमार्जन गर्न संचालक समितिलाई अख्तियारी दिने लगायत प्रस्तावहरु साधारण सभाबाट पारित गरिने भएको छ।
यसका साथै अन्य विभिन्न नियमित प्रस्तावहरु साधारण सभाबाट पारित गरिँदै छ। साधारण सभाका लागि कम्पनीले माघ १८ गते बुक क्लोज मिति तोकेको छ। साधारण सभामा उपस्थित हुन बुक क्लोज भन्दा अघि नै सेयरधनी बनिसक्नु पर्छ।
