काठमाडौं। गए रातिदेखि निरन्तर वर्षा हुँदा उपत्यकाका विभिन्न खोलामा बाढी आएको छ। बहाव बढेसँगै पानी बस्तीमा समेत पस्न थालेको छ।
कतिपय स्थानमा पानीको उचित निकास नहुँदा पनि बस्तीमा पानी पसेको छ। बाढी पूर्वानुमान महाशाखाले सूचना जारी गर्दै बाढीले जलसतह बढ्दो क्रममा रहेकाले उच्च सतर्कता अपनाउन अनुरोध गरेको छ।
वर्षापछि भक्तपुरका विभिन्न स्थान पनि डुबानमा परेका छन्। जसकारण त्यहाँको जनजीवन प्रभावित बनेको छ। भक्तपुरको हनुमानघाट लगायतका स्थान यसरी डुबानमा परेका छन्।