काठमाडौं। तीन दिनदेखि लगातार स्थिर रहेको सुनको मूल्य बुधबार बढेको छ। तोलामा २ सय रुपैयाँ बढेको हो। कारोबार मूल्य प्रतितोला ९८ हजार २ सय रुपैयाँ निर्धारण भएको नेपाल सुनचाँदी व्यवसायी महासंघले जनाएको छ।
मंगलबार प्रतितोला ९८ हजार रुपैयाँमा कारोबार भएको थियो। उक्त मूल्यमा सुन गत शुक्रबार आइपुगेको थियो। त्यसअघि गत बिहीबार प्रतितोला ९७ हजार ३ सय रूपैयाँ थियो।
चाँदीको मूल्य बुधबार ५ रुपैयाँ बढ्दै प्रतितोला १२ सय ७५ रुपैयाँ भएको छ। मंगलबार चाँदी प्रतितोला १२ सय ७० रुपैयाँ थियो।
अन्तर्राष्ट्रिय बजारमा बुधबार सुन प्रतिऔंस १८६१.७८ डलरमा कारोबार भइरहेको छ भने चाँदी २२.०४ डलर छ। मंगलबार सुन प्रतिऔंस १८५५.९४ डलर र चाँदी २१.७४ डलरमा थियो।