काठमाडौं। माछापुच्छ्रे बैंकले १६ प्रतिशत लाभांश दिने प्रस्ताव पारित गरेको छ। बैंकको २१औं वार्षिक साधारणसभाबाट लाभांश प्रस्ताव पारित गरेको हो।

बैंकले चुक्तापूँजीको ११ प्रतिशत नगद र ५ प्रतिशत बोनस लाभांश (बोनस एंव नगद लाभांशमा लाग्ने कर सहित) प्रदान गर्नेछ। साधारणसभाले अन्य उपयुक्त बैंक तथा वित्तिय संस्थाहरु एक आपसमा गाभ्न/गाभिने कार्यका लागि संचालक समितिलाई अख्तियारी प्रदान गरेको छ।

बैंकले गत आर्थिक वर्षमा बैंकले १ अर्ब ६९ करोड ७० लाख रुपैंया खुद नाफा गरेर प्रतिशेयर आम्दानी २१ रुपैंया ७ पैसा कायम गरेको थियो । बैंकको चुक्ता पूँजी ८ अर्ब ५ करोड रुपैयाँ तथा साधारण जगेडा कोषमा २ अर्व ४५ करोड रुपैयाँ संचित छ।