काठमाडौं। नेपाल आयल निगमले हवाइ इन्धनको भाउ घटाएपछि आन्तरिक उडानको टिकट मूल्य पनि घटेको छ। बिहीबार निगमले प्रति लिटर १० रुपैयाँका दरले हवाइ इन्धको भाउ घटाउँदै साढे ९४ रुपैयाँमा झारेको थियो।

एयर अपरेटर एशोसिएसनले शुक्रबार निर्णय गर्दै आइतबारबाट भाडा घटाउने भएको हो। अब काठमाडौं बिराटनगर रुटको भाडा २४० रुपैयाँले घट्ने छ।

यसैगरी काठमाडौं पोखरा १५५ रुपैयाँले घट्ने छ भने काठमाडौं माउन्टेन फ्लाइटको ३४५ रुपैयाँले भाडा घट्ने छ।