काठमाडौं। लक्ष्मी बैंकले आफ्नो शाखा संजाल विस्तार गर्ने क्रममा सिन्धुपाल्चोकको लिसानखुपखर, दार्चुलाको लेकम, र सप्तरीकोबलान बिहुलमा नयाँ शाखा संचालनमा ल्याएको छ ।
नयाँ शाखा थपिएपछि लक्ष्मी बैंकको देशका ४५ जिल्लामा बिस्तार शाखा संजाल ८९ पुगेको छ।
बैंकले ३ हस्पिटल सेवा काउन्टर, एकसय ४ वटा ए टि एम, २५०० भन्दा बढि रेमिटेन्स्, ५१ शाखा रहित बैंकिङ्ग तथा ४०० भन्दा बढि मोबाईल एजेन्टहरुबाट बैंकिङ सेवा प्रदान गरेको जनाएको छ ।
यस शाखाको विस्तार सँगै बैंकले ग्राहकहरुलाई उनीहरुकै रोजाईको माध्यम अर्थात शाखा कार्यालय, इन्टरनेट बैंकिङ्ग र मोबाईल फोन मार्फत बैंकिङ्ग सेवा दिँदै शहरी तथा अर्ध शहरी क्षेत्रमा आफ्नो ब्राण्डलाई सशक्त पार्ने बैंकले जनाएको छ।
बैंकका अनुसार आर्थिक वर्ष २०७३/ ७४मा ५९.३२ अर्ब रुपैयाँ निक्षेप र ५२.७३ अर्ब रुपैयाँ कर्जा पुर्याएको बैंकको वासलातको आकार ७०.९० अर्ब रुपैयाँ रहेको छ ।
बैंकले १०० करोडको हाराहारीमा खुद मुनाफा आर्जन गरेको जनाएको छ जुन अघिल्लो वर्षको सोही अवधिको तुलनामा २७ प्रतिशतले बढी हो ।
