चीन सरकारको आर्थिक र प्राविधिक सहयोगमा सुरु भएको चक्रपथको कलंकी सातदोबाटो कोटेश्वर खण्ड ८ लेन निर्माणको ५५ प्रतिशत काम  सकिएको हो। चीनको सांघाइ कन्स्ट्रक्सन ग्रुपले २०७१ असारबाट चक्रपथ विस्तारको काम सुरु गरेको थियो।चक्रपथ सुधार आयोजना अन्तर्गत सुरु भएको चक्रपथ निर्माण र विस्तारको काम ५५ प्रतिशत सकिएको छ।चक्रपथ विस्तार आयोजना प्रमुख ज्ञानेन्द्रकुमार झाले अबको एक वर्षभित्र सक्नेगरी निर्माणलार्इ तीब्रता दिइएको बताए।

भूकम्प र नाकाबन्दीका कारण यो आयोजनाको काम एक वर्षपछि धकेलिएको थियो।उनका अनुसार कंलकी र खसीबजारबीचमा वाग्मती र बल्खु खोलाका चार वटा पुल निर्माण भइसकेका छन्।ती पुलमा रेलिङ र रङ लगाउने काम भइरहेको छ।तीनवटा ओभरहेड व्रिज समेत निर्माण भइसकेको छ।कोटेश्वर,ग्वार्को र धोविघाटमा ओभरहेड ब्रिज निर्माण भइसकेको उनले बताए।