काठमाडौं। नेपाल हाइड्रो डेभलपर लिमिटेडको नाफा घट्दा लाभांश दर पनि घटेको छ। कम्पनीले नाफा तीन वर्षयताकै कम हुँदा गतवर्षको मुनाफाबाट लगानीकर्तालाई वितरण गर्ने लाभांश पनि घटेको छ।
चुक्ता पुँजी ३१ करोड ९९ लाख भएको कम्पनीले गत आर्थिक वर्षको मुनाफाबाट लगानीकर्तालाई ५ प्रतिशतले हुन आउने १ करोड ५९ लाख बराबरको बोनस सेयर वितरण गर्ने भएको छ। जुन पछिल्लो तीन आर्थिक वर्ष यताकै कम हो।
कम्पनीले ०.२६ प्रतिशतका दरले हुन आउने ८ लाख ४१ हजार ९२१ रुपैयाँ नगद लाभांश (बोनस सेयरको कर प्रयोजनका लागि) वितरण गर्ने भएको छ।
यो हाइड्रो कम्पनीले आर्थिक वर्ष २०७६/७७ मा १५.७८ प्रतिशत र २०७७/७८ मा ७.३६ प्रतिशत लाभाश वितरण गरेको थियो।
लाभांश वितरण सम्बन्धी कम्पनीको उक्त प्रस्ताव १६ औं वार्षिक साधारण सभाबाट पारित भएपछि सेयेरधनीहरुलाइ वितरण गरिने जनाइएको छ।
