सुर्खेत। सुर्खेतबाट बुद्ध एयरको सन्ध्याकालीन उडान हटाइने भएको छ। असार १ गतेदेखि शुरु भएको सन्ध्याकालीन उडान यात्रु अभावमा हटाइने भएको हो।
काठमाडौंका लागि बिहान साँझ दुईपटक उडान गर्ने भनेको बुद्ध एयरले यात्रु अभावका कारण उडान शुरु भएको एक हप्ता नहुँदै असार ६ गतेदेखि सन्ध्याकालीन उडान हटाउने भएको बुद्ध एयरका सुर्खेत इन्चार्ज अनिल पन्तले जानकारी दिए।
“यात्रु अभावका कारण हटाउन बाध्य भएका हौँ”, उनले भने। हाल दुई उडानमा काठमाडौँका लागि ४० यात्रु बु पाएको पन्तले बताए।
