बेइजिङले सन् २०१७ मा २९ करोड ७० लाख पर्यटकलाई स्वागत गरेको चिनियाँ पर्यटन सम्बन्धी सरकारी अधिकारीहरूले जनाएका छन् ।
अधिकारीहरूका अनुसार आन्तरिक र विदेशी गरी झण्डै ३० करोड पर्यटकलाई बेइजिङले स्वागत गरेको हो। यो संख्या सन् २०१६ को तुलनामा ४.३ प्रतिशतले बढी हो । गत वर्ष पर्यटन व्यवसायबाट ५४६.९ अर्ब युआन बराबरको आय आर्जन भएको उनीहरूले बताएका छन् ।
यस बर्ष ७ प्रतिशतले पर्यटन व्यवसायको आय आर्जनलाई बढाउने बेइजिङको उद्देश्य रहेको बताइएको छ । साथै यस वर्ष १४४ घण्टाको प्रवेशआज्ञालाई बढावा दिने पनि सरकारी अधिकारीहरूले जानकारी दिएका छन् ।
