काठमाडौं। साताको पहिलो दिन सुन तोलामा ४ सय बढेको छ भने चाँदी १५ रुपैयाँ घटेको छ। आइतबार सुनको कारोबार मूल्य प्रति तोला १ लाख ३७ हजार ६ सय रुपैयाँ कायम भएको नेपाल सुनचाँदी व्यवसायी महासंघले जनाएको छ।
गत शुक्रबार तोलाको १ लाख ३७ हजार २ सय रुपैयाँ थियो भने बिहीबार १ लाख ३५ हजार ८ सय थियो।
चाँदी प्रति तोला १६ सय ६० रुपैयाँ भएको छ। गत शुक्रबार १६ सय ७५ रुपैयाँ थियो भने बिहिबार १६ सय ५५ थियो।
अन्तर्राष्ट्रिय बजारमा आइतबार सुन प्रति औंस २३३७.९३ डलरले कारोबार भइरहेको छ। यो एकै दिनमा ७.२९ डलरले बढोत्तरी भएको हो। ३० दिनमा सुन प्रति औंस ४.३१ प्रतिशतले बढेको छ। चाँदी प्रति औंस २७.१८ डलर छ।