काठमाडौं। सूर्यज्योति लाइफ इन्स्योरेन्सले वैशाख २१ गते साधारण सभाको मिति तोकेको छ। कम्पनीले साधारण सभाबाट लाभांश प्रस्ताव पारित गर्दैछ।
गत आर्थिक वर्ष २०७९/८० को मुनाफाबाट कम्पनीले सेयरधनीलाई चुक्ता पुँजीको १०.२६ प्रतिशत बोनस सेयर र २४.७४ प्रतिशत नगद लाभांश दिने घोषणा यसअघि नै गरिसकेको छ।
कम्पनीको चुक्ता पुँजी हाल ४ अर्ब ५४ करोड ५५ लाख रुपैयाँ छ। साधारण सभा र लाभांश वितरण प्रयोजनका लागि कम्पनीले वैशाख ७ गते बुक क्लोज मिति तोकेको छ। बुक क्लोजअघि कायम कम्पनीका सेयरधनीले मात्रै साधारण सभामा भाग लिन पाउनेछन्।