काठमाडौं। एक वर्षमा बैंकहरुको आधार ब्याज दर २.६८ प्रतिशत बिन्दुले बढेको छ। आधार दर बढेको प्रभाव बैंक ऋणमा परेको छ।

एक वर्षमा बैंकहरुले आधार दरभन्दा बढी स्प्रेड दर बढाएका कारण ऋणको ब्याज दर थप महँगो भएको छ। ऋणको ब्याज दर ३.१९ प्रतिशत बिन्दुले बढेको छ।

२०७८ असारमा बैंकहरुको औसत निक्षेपको ब्याज दर ४.७६ प्रतिशत थियो। २०७९ असारमा आइपुग्दा यो बढेर ७.४१ प्रतिशत पुगेको छ। ऋणको पनि ८.४३ प्रतिशतबाट बढेर ११.६२ प्रतिशत पुगेको छ। आधार दर ६.८६ प्रतिशतबाट ९.५४ प्रतिशत पुगेको छ।

पोहोर निक्षेपमा दिने र ऋणमा लिने ब्याजको अन्तर ३.६७ प्रतिशत मात्र थियो। यससपाली असारमा यो अन्तर बढेर ४.२१ प्रतिशत पुगेको छ।