.jpg)
काठमाडौं। बाणिज्य बैंकहरुले चैत अन्तिम साता २२ अर्ब रुपैयाँले निक्षेप बढाउँदा ऋण ३४ अर्ब रुपैयाँले बृद्धि गरेका छन्।
मंसिरयता एकदमै आक्रमक बनेका बैंकहरुले चालु बर्षमा मात्रै ६ खर्ब ३२ अर्ब रुपैयाँ ऋण बढाएका हुन्। जबकी निक्षेप बृद्धि ४ खर्ब २६ अर्ब रुपैयाँ मात्र छ।
मंसिरयता हरेक साताजस्तो बैंकहरुले २२/२५ अर्बका दरले ऋण बढाइरहेका छन्। अहिले २७ बैंकसँग कुल ऋण ३५ खर्ब ३५ अर्ब पुगेको छ। निक्षेप ३९ खर्ब १३ अर्ब पुगेको छ।
राष्ट्र बैंकले ८० प्रतिशतको कर्जा-पुँजी-निक्षेप अनुपात (सीसीडी रेसियो) ८५ प्रतिशत पुर्याइदिँदा पनि कतिपय बैंकहरु त्यो सीमा नजिक पुगिसकेका छन्। उनीहरुको ऋण दिने क्षमता नै घटिसकेको छ। अघिल्लो साता त बैंकहरुले ४० अर्बले ऋण बढाएका थिए।
निक्षेपभन्दा ऋण उच्च भएका कारण तरलतामा कमी आएको छ। यही कारण बैंकहरुले आपसमा लिने अन्तर बैंक सापटी दर पनि साढे चार प्रतिशतसम्म पुगिसकेको छ।
