बैंकर्स संघको कार्य समिति सदस्यमा तीन जना बैंकर निर्बिरोध चयन, बिके श्रेष्ठलाई सम्मान




काठमाडौं। बैंकर्स संघको कार्य समिति सदस्यमा तीन जना बैंकर निर्बिरोध निर्वाचित भएका छन्। संघको बार्षिक साधारणसभाले रिक्त रहेको तीन सदस्यमा नयाँ अनुहारलाई चयन गरेको हो। 

खाली तीन सदस्यमा तीन जनाको मात्रै उमेद्वारी परेकाले साधारणसभाले यसलाई नै अनुमोदन गरेको हो। बाणिज्य बैंकको प्रमुख कार्यकारी अधिकृतबाट हटेलगत्तै संघको पद पनि खाली हुन्छ। सुदेश खालिङ लक्ष्मी बैंकबाट बाहिरिएपछि संघमा एक पद खाली भएको थियो। पहिलेदेखि नै रिक्त रहेको दुई पदमा अन्तरिम कार्यभार सम्हाल्ने गरी पर्शुराम कुँवर क्षेत्री र रत्नराज बज्रचार्यलाई जिम्मेवारी दिइएको थियो।


उनीहरुको ठाउँमा अरु दुई जनाको उमेद्वारी परेको थियो। रिक्त तीनमा ग्लोबल आइएमइ बैंकका जनक शर्मा पौडेल, माछापुछ्रे बैंकका सुमन शर्मा र सिभिल बैंकका गोबिन्द गुरुङले उमेद्वारी प्रस्तुत गरेका थिए। उनीहरुलाई साधारणसभाले अनुमोदन गरेको छ।

पर्शुराम कुँवर र रत्नराजले उमेद्वारी दिन चाहेनन्। पर्शुरामले नयाँलाई ठाउँ छाडिदिनु पर्ने बताए भने रत्नराजले सनराइज बैंकमा आफ्नो कार्यकाल मे महिनामा सकिन लागेकाले छोटो अवधिका लागि संघमा नबस्ने तर्क दिए।

संघले एभरेष्ट बैंकका अध्यक्ष बिके श्रेष्ठलाई सम्मान गर्ने भएको छ। लामो समयदेखि बैंकिङ क्षेत्रमा पुर्याएको योगदानलाई कदर गर्दै श्रेष्ठलाई सम्मान गरेको छ। गत बर्ष प्रथम गभर्नर हिमालय शम्शेर राणालाई सम्मानित गरिएको थियो।

Share this Story

   

बैंकर्स संघको कार्य समिति सदस्यमा तीन जना बैंकर निर्बिरोध चयन, बिके श्रेष्ठलाई सम्मान को लागी कुनै प्रतिक्रिया उपलब्ध छैन ।

नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.