शेयर लगानीकर्ता भन्छन्, 'पुँजी बजारलाई सम्बोधन गर्न मौद्रिक नीति असफल, बजेट जस्तै आयो'





काठमाडौं। नेपाल राष्ट्र बैंकले बुधबार सार्वजनिक गरेको मौद्रिक नीति पुँजी बजारको विकास र विस्तारका लागि सहायह नहुने पुँजी बजार लगानीकर्ताले बताएका छन्। पुँजी बजारको विकासका लागि मौद्रिक नीतिले अपेक्षाकृत सम्बोधन गर्न नसकेको लगानीकर्ताले बताएका हुन्। 
 
नेपाल इन्भेष्टर्स फोरमका अध्यक्ष अम्बिकाप्रसादपौडेलले मौद्रिक नीति पुँजी बजारको विकास र विस्तार गर्न सहायक सिद्ध नभएको बताए। आगामी आर्थिक वर्षको बजेट जस्तै मौद्रिक नीति आएको भन्दै उनले केन्द्रीय बैंकले सार्वजनिक गरेको नीतिको आलोचना गरे। 'जसरी बजेटले पुँजी बजारलार्इ प्राथिकतामा पारेन, मौद्रिक नीतिले पनि संबोधन गर्न सकेन,' उनले भने। 
 
पुँजी बजारबाहेक अन्य क्षेत्रको विकासका लागि मौद्रिक नीति राम्रो भए पनि पुँजी बजारलार्इ भने यसले संकुचित गरेको भनाइ छ। ओभरड्राफ्ट ऋण लिएर लगानी गर्ने लगानीकर्ताको ठुलो हिस्सा रहेको बजारमा व्याक्तिगत कर्जाको  ७५ लाखबाट ५० लाखको सीमामा ल्याउँदा नै प्रभाव देखिने र अहिले वाणिज्य बैंकले प्राथमिक पुँजीको ४० प्रतिशतबाट २५ प्रतिशत मात्रै ऋण दिन पाउने व्यवस्थाले थप संकुचन ल्याउने उनको तर्क छ। 
 
अधिकांश बैक तथा वित्तीय संस्थाले शेयर धितो कर्जामा खासै चासो दिदैनन्। केही बैंकहरु मात्रै शेयर धितो कर्जामा उदार देखिएकोमा उनीहरुले ऋण दिन सक्ने सीमामा थप संकुचन ल्याउँदा बजारलार्इ हतोत्साहित पार्न खोजिएको पौडेलले बताए। समग्रमा पुँजी बजारमैत्री मौद्रिक नीति नआएको इन्भेष्टर्स फोरमको धारण रहेको पौडेलले उल्लेख गरे।
 
बैंकको तरलताको समस्यालार्इ हल गर्न कोशिश गरिएको देखिए पनि शेयरबजार प्रति मौद्रिक नीति गभिर नदेखिएको नेपाल लगानीकर्ता संघका अध्यक्ष उत्तम अर्यालले बताए। मार्जिन कललार्इ संबोधन गर्न खोजिए पनि ऋणको सिमा भने यथावत राख्न खोज्दा लगानीर्ताको वास्तविक माग संबोधन हुन नसकेको उनले आरोप लगाए। 
 
शेयर बजारमा शेयरको आपुर्ति बढिरहँदा बैंकले शेयरमा दिने ऋणको सीमा घटाइँदा बजारमा नकारात्मक असर पार्ने उनको विश्लेषण छ। 
 
नेपाल इन्भेष्टर्स फोरमका पूर्व अध्यक्ष डा. आत्माराम घिमिरे पनि मौद्रिक नितिप्रति सन्तुष्ट छैनन्। नीतिले शेयर बजारलार्इ उल्टो गतितर्फ धकेलेको उनको आरोप छ। मार्जिन कलको सीमालाई २० प्रतिशतमा झारिएको भएपनि यसले लगानीकर्तालाई खासै ठुलो राहत नमिल्ने घिमिरेको तर्क छ। 


Share this Story

   

शेयर लगानीकर्ता भन्छन्, 'पुँजी बजारलाई सम्बोधन गर्न मौद्रिक नीति असफल, बजेट जस्तै आयो' को लागी ३ प्रतिक्रिया(हरु)

Hem Raj Bhattarai[ 2018-07-13 09:18:20 ]
Share Bazar ka laganikarta ko ruwabasi Yuba Raj Khatiwada ra Chiranjibi Nepal le Bazar Badaidinu Paryo re ... !!!! A Stupid Investors, Aaja Tapai haru sanga share dherai hold xa vanera Bazar badai dinuparne ??? Capacity vae hold garera basirakha Voli ya parsi bazar badi halxa ... aafno rule anusar. Hold garna nasakne vae sale gara .... timro share vaeko company raamro banauna suggest garana ... sarkar lai gali garna ko sato ....Economy strong vae ... share badai deu vanera karai rahanu parxa ? aafai double tripple vai halxa ni samaya ko gati anusar ....

   हालसम्म ४८ जनाले यो प्रतिक्रिया मन पराउनु भयो ।


raghu bista[ 2018-07-11 09:12:28 ]
yo monitory policy share bajar friendly chha. Kinaki, yesh le interest rate kama garchha. Interest rate kama vaye pachhi, share ko dividend le nai interest tirna sahayog garchha. tesai gari, country ko growth ramro huda sabai chhetra ramro hunchha. janata ko income ramro hunchha, saving ramro hunchha. Saving ramro vaye pachhi, bank ko deposit badachha. tesa pachhi, loan ko interest ghatachha. Ra arthatantra ramro vaye pachhi, sabai ramro hunchha. So, Thank you governer, thank u finance minister! policy share friendly chha, arthatantra friendly chha!

   हालसम्म ६० जनाले यो प्रतिक्रिया मन पराउनु भयो ।


ramesh dhungana[ 2018-07-11 05:17:19 ]
sansar ko kunai desh ma monetary policy le share bajar particular lai sahayog puryayeko euta example bhaye yasta kura gareko suhaucha. hawa kura bolya chan investor forum bhaneko cha. share bajar kasaile chahdai ma badhne ya kasaile chahdai ma ghatne bhanne pani kaahi huncha ra. central bank le price stability, external sector stability, financial sector stability, financial inclusion, payment system etc lai matra herne ho. fiscal policy le liyeko target lai sahayog puryaune ho. share bajar badhaune hoina. keta keti jasto hawa kura garera kaam chaina.

   हालसम्म १२९ जनाले यो प्रतिक्रिया मन पराउनु भयो ।


नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.