उच्च घरानाले सोखको रुपमा चढ्ने डुकाटी बाइकको मूल्य अब एक करोड,बाइक दर्ता शुल्क मात्रै दुर्इ लाख






काठमाडौं।बजेटबाट अन्तशुल्क बढेपछि महँगा बाइकको मूल्य करोड पुगेको छ।


उच्च घरानाले सोखको रुपमा चढ्ने बाइकको मूल्य अन्तशुल्क बढेका कारण दोब्बर भएको छ।सीमित मात्रै बिक्री हुने डुकाटी बाइकको मूल्य करोड रुपैयाँ पुगेको छ।बजेट अघि यो बाइकको मूल्य ५० लाख रुपैयाँ थियो।

डुकाटी बाइकको अधिकृत बिक्रेता डुकाटी काठमाडौंका चेयरम्यान अभिनवजंग बहादुर राणाका अनुसार १२ सय सीसीको डियाभेल,मल्टीस्ट्राडा बाइकको मूल्य करोड हाराहारीमा पुगेको छ।यो बाइकको मूल्य ५०देखि ६० लाख रुपैयाँ थियो।उनका अनुसार यी बाइक वर्षमा चार वटासम्म बिक्री हुन्थे।

'अब बाइक ल्याएर विक्री गर्न धेरै गाह्रो छ। चार सय सीसीको डुकाटी स्ट्रेम्ब्लर विक्री हुन्छ की भन्ने आशा लिएका छौँ। तत्कालै बाइक बिक्री हुने सम्भावना कम छ, उनले भने।कम्पनीले केही महिना अघि भित्र्याएको पानिगेल भी फोर एउटै मात्र विक्री भएको उनले बताए। ४७ लाख रुपैयाँ मूल्य पर्ने पानिगेल  भि फोरको नयाँ मूल्य ७५ लाख रुपैयाँ पुगेको छ।

अन्तशूल्क बढेपछि कम्पनीले भिफोर एस नेपाल ल्याउन नसकेको उनले बताए।उनले भने, 'भिफोर पछि ग्राहकको माग अनुसार भिफोर एस झिकाउन लागेका थियौँ। बजेटले अन्तशुल्क बढेपछि ग्राहकले यहीँ भएको बाइक खरिद गरे।' अन्तशुल्क बढ्नु अघि ६० लाख रुपैयाँ मूल्य रहेको भिफोर एसको नयाँ मूल्य ९० लाख रुपैयाँ पुगेको राणाले बताए।

'डुकाटीको नेपाली बजार मूल्य महँगोनै हो। डुकाटीका विभिन्न सेग्मेन्टका बाइक वार्षिक २५ वटासम्म बिक्री हुँदै आएका थिए।हामीसँग भएका बाइकहरु प्राय आठ सय सीसी भन्दा माथिकै छन्। बजेटले बढाएको अन्तशूल्कले डुकाटी बाइकको व्यवसाय धरासायी हुने देखिएको छ।' उनले भने।

अहिले मुलुकभित्र १ सय ६० वटा डुकाटी बाइकहरु गुडिरहेको उनले बताए। चार सय सीसीको डुकाटी स्ट्राम्ब्लर समेत महँगो भएको छ। उनका अनुसार बजेट अघि १८ लाख रुपैयाँ पर्ने स्ट्राम्ब्लरको नयाँ मूल्य २४ लाख रुपैयाँ पुगेको छ।अन्तशुल्क मात्रै होइन चार सय सीसी माथिका वाइकको सवारी दर्ता शुल्क मात्रै दुर्इ लाख रुपैयाँ पुगेको छ।

कम्पनीले आठ वर्ष अगाडीदेखि नेपालमा डुकाटी बाइक विक्री गर्दै आएको हो। सुरुवातको पहिलो वर्षमै कम्पनीले २५ वटा मोन्सटर र हाइपरमोटार्ड विक्री गरेको थियो।
 
 



Share this Story

   

उच्च घरानाले सोखको रुपमा चढ्ने डुकाटी बाइकको मूल्य अब एक करोड,बाइक दर्ता शुल्क मात्रै दुर्इ लाख को लागी २ प्रतिक्रिया(हरु)

GOPAL BASNET[ 2018-07-13 10:01:08 ]
SARKAR ATTI GARNU THALEW YAAR...
D-MOTIVATE KO NAAM MA
JOSLE AFFORD GARNU SAKXA USLE NI GARNU NA PAWNE....
HAMI KINNU SAKDAINAW YSKO MATLAB HUNE DHANI MANXE HARU LAI TA CHADNU DEW NA HAW........
BICHARA HARU......

   हालसम्म ५ जनाले यो प्रतिक्रिया मन पराउनु भयो ।


freddy khambata[ 2018-07-11 10:22:23 ]
ducati jasto bike kina chadna paryo nepali le. sansar ko atti garib muluk ka basinda le ducati chadna hunna. 1 crore hoina 3 crore huna parne yasto bike ko price. chuke artha mantri yasto bike ko anta sulka ajha beskana badhauna.

   हालसम्म २० जनाले यो प्रतिक्रिया मन पराउनु भयो ।


नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.