विराटनगर । नयाँ वर्षको आगमनसँगै विराटनगरमा एक लाख २५ हजार प्रकारका सामग्रीसहित सात तले भाटभटेनी सुपर मार्केट सञ्चालनमा आएको छ। विराटनगरमा पूर्णतः वातानुकूलित सुपर मार्केटको अवलोकन गर्ने र त्यहाँ वस्तु खरिद गर्न जानेको शनिवार दिनभरि घुइँचो लागिरह्यो। 

विराटनगर भाटभटेनीको १५ औँ शाखा हो। विराटनगरबाहेक राजधानीमा १० वटा तथा पोखरा, बुटवल, चितवन र धरानमा गरी भाटभटेनीका १४ सुपर मार्केट सञ्चालनमा छन्।

हाल प्रयोगमा नआइसकेको पाचौँ तला मनोरञ्जनका लागि छुट््याइएको छ । यस तलामा दुई छुट्टाछुट्टै वातानुकूलित सिनेमा हलको तयारी गरिँदैछ । यही तलामा फुडकोर्ट रेस्टुरेन्टको व्यवस्था पनि गरिने छ।