दश वटा नयाँ जीवन बीमा कम्पनी थपिएपछि पूराना कम्पनीले ल्याए कडा शर्त, क्षतिपूर्ति तिर्नुपर्ने




काठमाडौं।नयाँ जीवन बीमा कम्पनीमा आफ्ना कर्मचारी जानलार्इ रोक्न पूराना कम्पनीले कडा शर्त राख्न थालेका छन्।



पूराना जीवन बीमा कम्पनीले आफ्ना कर्मचारी रोक्न न्यूनतम दुर्इ महिनाको तलब फिर्तादेखि दशैं बोनशसम्म फिर्ता गर्नुपर्ने कडा शर्त राखेका छन्।यही शर्तका कारण नयाँ बीमा कम्पनीले आकर्षक तलबसुविधा दिएपनि पूराना कम्पनीबाट कर्मचारी ‘स्विच’ हुन सकेका छैनन्।नयाँ बीमा कम्पनी थपिएपछि बीमा बजारमा जनशक्तिको अभाव छ।जनशक्तिको अभाव भएकै कारण पूराना कम्पनीले कडा शर्त राखेका हुन्।

लाइफ इन्योरेन्स कर्पोरेसनले कम्पनी छाडेमा दुर्इ महिना सम्मको तलब दिनुपर्ने प्रावधान राखेको छ।‘कुनै पनि कर्मचारी अर्को कम्पनीमा जाँदा दुर्इ महिना बराबरको तलब फिर्ता गर्नुपर्ने प्रावधान छ’कम्पनीका एक कर्मचारीले भने भने।प्राइम लाइफ इन्स्योरेन्स कम्पनीले राजीनामा दिएपछि तीन महिनासम्मको तलब ‘पेनाल्टी’को रुपमा दिनुपर्ने प्रावधान छ।कम्पनीका एक कर्मचारीका अनुसार तह हेरेर तलब काट्ने प्रावधान छ।

 सूर्या लाइफ इन्स्योरेन्स र नेशलन लाइफ इन्स्योरेन्सले भने अर्को कम्पनीमा जान कुनै बन्देज नलगाएको दाबी गर्छ। सूर्या लाइफका प्रमुख कार्यकारी अधिकृत शिवनाथ पाण्डेले कर्मचारीको वृत्ति विकासमा कुनै बन्देज लगाउन नहुने बताउँदै कम्पनीले कुनै शर्त नराखेको बताए।

बीमा समितिका उपनिर्देशक राजुरमण पौडेलले बीमा नयाँ कम्पनीमा जान कम्पनीले शर्त राखेको जानकारी आएपनि औपचारिक रुपमा कुनै उजुरी नपरेको बताउँछन्।‘कम्पनीको कर्मचारी विनियमावलीभित्र रहेर काम गरेकोलार्इ अन्यथा मान्न सकिदैन’उनले भने,तर कम्पनीले अनावश्यक शर्त राखेर कर्मचारीलार्इ रोक्न मिल्दैन।‘

‘बीमा समितिमा पनि पहिरो’
कर्मचारी व्यवस्थापन गर्न बीमा कम्पनी मात्रै होइन नियामक निकाय बीमा समितिलार्इ पनि हम्मेहम्मे पर्न थालेको छ।

नयाँ बीमा कम्पनी आएपछि समितिबाट कर्मचारी छाड्ने क्रम बढेको छ।आकर्षक तलब र सुविधाका कारण नियामक निकायनै छाडेर निजी कम्पनी जाने क्रम बढेको हो।समितिका उपनिर्देशक रहेका राजकुमार अर्यालनै सन् नेपाल लाइफ इन्स्योरेन्स कम्पनीमा गएका छन्।

समितिमा उनी कानुनका विज्ञका थिए।उनले दुर्इ महिनाअघि राजीनामा दिएका हुन्।समितिकै चार्टर्ड एकाउन्टेन्ट सन्तोष प्रसार्इले पनि राजीनामा दिएका छन्।उनी नेपाल लाइफ इन्स्योरेन्समा गएका छन्।समितिकै लक्ष्मण ज्ञवालीले पनि राजीनामा दिएर प्राइम लाइफ इन्स्योरेन्स गएका छन्।


Share this Story

   

दश वटा नयाँ जीवन बीमा कम्पनी थपिएपछि पूराना कम्पनीले ल्याए कडा शर्त, क्षतिपूर्ति तिर्नुपर्ने को लागी २ प्रतिक्रिया(हरु)

बिचार[ 2017-11-21 08:32:30 ]
कुनै पनि कम्पनीले नया भर्ना तथा पदोन्नति गर्दा 2 बर्स सम्म काम गर्नु पर्ने अन्यथा २/३ महिनाको तलब बराबर पेनल्टी तिर्नुपर्ने प्रावधान ठीक हो। किनकी कंपनी ले केहि दिन्छ भने त्यसैलाई सीढ़ी बनाएर अन्य कंपनि मा जाने क्रम रोकिनु पर्छ ।
कंपनि ले कर्मचारीलाई केहि दिन्छ भने उस्ले पनि केहि समय काम लीन पाउनु पर्छ।

   हालसम्म १२६ जनाले यो प्रतिक्रिया मन पराउनु भयो ।


Ram[ 2017-11-20 06:19:35 ]
Dear sir,
मलाई यो कुरा अलि मन परेन किन भने जो मनिस पनि आफ्नो भबिस्य हेर्छ ठिक छ नया ले कर्मचारीको लागि केहि सुबिधा दिएर तान्न खोज्छ प्रतिस्पर्ध हो तर कर्मचारीलाइ प्रोत्साहन नगरी जबर्जस्ति आफ्नो कम्पनिमा बस्नु पर्छ भन्नु चाही ठीक होइन सुबिधा राम्रो देउ जबर्जस्ति गर्न नपाउनु पर्ने हो के नियम हो नेपालको

   हालसम्म ११९ जनाले यो प्रतिक्रिया मन पराउनु भयो ।


नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.