काठमाडौं। सरकारले सहसचिव केदारनाथ शर्मा र नायब महालेखापरीक्षक बैकुण्ठ बहादुर अधिकारीलाई विशिष्ट श्रेणीमा बढुवा गरेको छ।
बिहिबार बसेको मन्त्रिपरिषद् बैठकले शर्मा र अधिकारीको बढुवा गरेको हो। शर्मा कोशी प्रदेशमा कामु सचिवका रुपमा कार्यरत थिए। उनी यसअघि बढुवाका लागि चार पटक सिफारिस भएपनि सचिव हुन सकेका थिएनन्।
यसपालि सचिवमा बढुवाका लागि शर्मा र उप- महालेखा परीक्षकमा बढुवाका लागि अधिकारीको मात्र नाम सिफारिस भएको थियो।
बैठकले सहसचिव गोविन्द बहादुर कार्कीलाई कामु सचिवका रुपमा बागमती प्रदेशमा खटाउने तथा राष्ट्रिय मानवअधिकार आयोगको सचिवमा मुरारी प्रसाद खरेललाई नियुक्त गर्ने निर्णय गरेको। सरकारले आयोगको सिफारिसमा खरेललाई सचिव बनाएको हो।
