काठमाडौं । चिनियाँ विद्युतीय गाडी ब्रान्ड लिपमोटर नेपाली बजारमा आउने निश्चित भएको छ। यसको नेपालका लागि आधिकारिक बिक्रेता वाणिज्य विकास प्रालिले सोमबार गाडीको मूल्यसमेत सार्वजनिक गरेको छ।
कम्पनीका अनुसार लिपमोटर टी-०३ ह्याचब्याक ५५ किलोवाट मोटर पावर भएको मोडलको मूल्य २४ लाख ९९ हजार र ८० किलोवाट मोटर पावर भएको मोडलको २७ लाख ९९ हजार रुपैयाँ तोकिएको छ।
गाडीमा भएको ब्याट्रीले फुल चार्जमा ३१० देखि ४०३ किलोमिटर रेन्ज प्रदान गर्छ। यसमा ३१.९ किलोवाटर आवर र ४१ किलोवाट आवर क्षमताको ब्याट्री छ। यसमा ४५ किलोवाटको फाष्ट चार्जर र ६.६ किलोवाटको एसी चार्जर सपोर्ट गर्छ।
यो फाइभ डोर प्योर इभी ह्याचब्याक हो। यसमा ३ वटा ड्राभिङ र ३ वटा स्टेरिङ मोडहरु उपलब्ध छन्। यसमा इलेक्ट्रोनिक पार्किङ ब्रेकसहित अटो होल्ड, प्यानोरामिक सनरुफ, इलेक्ट्रिक सनसेड, इन्टेलिजेन्ट भोइस कन्ट्रोल सिस्टम, अटोमेटिक पार्किङ रहेका छन्।