काठमाडौं। सिद्धार्थ प्रिमियर इन्स्योरेनेस लिमिटेडले लाभांश दिने निर्णय गरेको छ। आइतबार बसेको कम्पनीको बोर्ड बैठकले गत आर्थिक वर्षका लागि लाभांश दिने निर्णय गरेको हो।
कम्पनीले गत वर्षका लागु कूल चुक्ता पुँजीको ११ प्रतिशतले हुन आउने ३० करोड ८७ लाख २० हजार ४८९ रुपैयाँ बराबरको नगद लाभांश (कर सहित) दिने प्रस्ताव गरेको हो।
सिद्धार्थ इन्स्योरेन्स र प्रिमियर इन्स्योरेन्स एकीकृत कारोबारमा आएपछि पहिलो पटक कम्पनीले लाभांश प्रस्ताव गरेको हो। कम्पनीको हालको चुक्ता पुँजी २ अर्ब ८० करोड रहेको छ।
प्रस्तावित लाभांश नेपाल बीमा प्राधिकरणबाट स्वीकृती भइ आगामी वार्षिक साधारण सभाबाट अनुमोदन भएपश्चात मात्र लगानीकर्ताहरुलाइ वितरण गरिनेछ।
