काठमाडौं। सरकारले विगतमा घोषणा गरिएका भौतिक पूर्वाधारका आयोजना पुन: प्राथमिकीकरण गरी त्रुटिपूर्ण आयोजना खारेज गर्ने घोषणा गरेको छ।
सरकारका तर्फबाट राष्ट्रपति रामचन्द्र पौडेलले शुक्रबार संघीय संसद्को संयुक्त बैठकमा आगामी आर्थिक वर्षको नीति तथा कार्यक्रम सार्वजनिक गर्दै आयोजनाहरुको पुन: प्राथमिकीकरण गर्ने बताएका हुन्।
‘विगतमा घोषणा गरिएका भौतिक पूर्वाधारका सबै आयोजनाको पुन: प्राथमिकिकरण गर्ने। परियोजनालाई वर्गीकरण गरी समय तालिका निर्धारण गर्ने। सम्पन्न हुने सम्भावना नभएका आयोजना स्थगन गर्ने र त्रुटिपूर्ण आयोजना खारेज गर्ने,’ पौडेलले भने।
