बार्सिलोनाले बोरिसिया डर्टमण्डमाथि फराकिलो जित निकालेको छ। यूईएफए च्याम्पियन्स लिगको क्वाटरफाइनलको पहिलो लेगअन्तर्गत गएराति सम्पन्न खेलमा स्पेनिस क्लब बार्सिलोनाले जर्मन क्लब बोरुसिया डर्टमण्डलाई ४-० गोलले हराएको हो।
५० हजार दर्शकबीच खेलको २५ औँ मिनेटमा राफिन्हाको गोलमा अग्रता बनाएको बार्सिलोना पहिलो हाफमा एक गोलले अघि रह्यो। दोस्रो हाफमा रोवर्ट लेवान्डोस्कीले अग्रता बढाए। उनले खेलको ४८ र ६६ औँ मिनेटमा गोल गर्दा ७७ औँ मिनेटमा लामिन यमलले गोल थपे। लेवान्डोस्कीको दुबै गोलमा असिस्ट गरेका राफिन्हाले गरेका थिए। योसँगै बार्सिलोनाले ४-० को प्रभावशाली जित निकाल्न सफल भयो।
दोस्रो लेगमा १५ अप्रिलमा बार्सिलोना र डर्टमण्ड जर्मनीमा आमनेसामने हुनेछन्।
गएराति नै सम्पन्न अर्को क्वाटरफाइनलको पहिलो लेगकै खेलमा फ्रेन्च क्लब पीएसजीले इङ्ग्लिस क्लब एस्टोन भिल्लाई ३-१ गोलले हराएको थियो।
