काठमाडौं। अधिकांश फाइनान्सको वित्तीय अवस्था बिग्रिएको छ। चालु आर्थिक वर्ष दोस्रो त्रैमासको वित्तीय विवरण सार्वजनिक गरेका ११ फाइनान्समध्ये ७ वटाको खुद नाफा घटेको छ।

सञ्चालनमा रहेका १७ फाइनान्स कम्पनीमध्ये ११ वटाले पुस मसान्तसम्मको वित्तीय विवरण सार्वजनिक गरेकामा ४ वटा घाटामै गएका छन्।

पोखरा, गुहेश्वरी, गोर्खाज र बेस्ट फाइनान्स नोक्सानीमा गएका हुन्। पोखरा फाइनान्सको वित्तीय अवस्था संकटउन्मुख छ। नेपाल राष्ट्र बैंकले शीघ्र सुधारात्मक कारबाही गरेको पोखराको पुँजीकोष ऋणात्मक छ। यसले निक्षेप संकलन र कर्जा लगानी गर्न पाउँदैन।

फाइनान्सको दुई आर्थिक वर्षको दोस्रो त्रैमाससम्मको खुद नाफा रु हजारमा

वित्तीय विवरण निकालेका फाइनान्सको खराब कर्जा चुलिएर औसतमा ८.१३ प्रतिशत पुगेको छ। पोहोर दोस्रो त्रैमासमा ११ वटा फाइनान्सको औसत खराब कर्जा ५.०४ प्रतिशत रहेकामा अहिले ३.०९ प्रतिशत विन्दुले थपिएको हो। तीन वटा फाइनान्स खराब ऋण घटाउन सफल भएकामा ८ वटाको बढेको छ।

फाइनान्सको दुई आर्थिक वर्षको दोस्रो त्रैमाससम्मको निष्कृय कर्जा

फाइनान्सको सम्भावित कर्जा नोक्सानी बापतको व्यवस्था (प्रोभिजनिङ) व्यापक वृद्धि भएको छ। वित्तीय विवरण अनुसार प्रोभिजनिङ चार गुणाले वृद्धि भएको छ।

११ वटा फाइनान्सले १ अर्ब २३ करोड ८७ लाख रुपैयाँ प्रोभिजनिङ गरेका छन्। पोहोर दोस्रो त्रैमाससम्म फाइनान्सले २९ करोड १५ लाख रुपैयाँ प्रोभिजनिङ गरेका थिए।

फाइनान्सको दुई आर्थिक वर्षको दोस्रो त्रैमाससम्मको प्रोभिजनिङ रकम हजारमा