काडमाडौं। सुनको मूल्य दुई दिनदेखि लगातार बढ्न थालेको छ। बुधबार सुन प्रति तोला १ लाख ५० हजार ४ सय रुपैयाँ निर्धारण भएको छ।
अघिल्लो दिनको तुलनामा सुन तोलामा १ सय रुपैयाँ बढेको नेपाल सुनचाँदी व्यवसायी महासंघले जनाएको छ। मंगलबार सुन तोलामा १ हजार रुपैयाँले बढेर प्रति तोला १ लाख ५० हजार ३ सय रुपैयाँ पुगेको थियो।
सोमबार सुन १२ सय रुपैयाँले घटेर १ लाख ४९ हजार ३ सय रुपैयाँमा आइपुगेको थियो।
चाँदी पनि तोलामा २० रुपैयाँले बढेको। बुधबार चाँदीको भाउ प्रति तोला १ हजार ८६५ रुपैयाँ कायम भएको छ।
मंगलबार चाँदी तोलामा ३० रुपैयाँ बढेर प्रति तोला १ हजार ८४५ रुपैयाँमा कारोबार भएको थियो।
अन्तर्राष्ट्रिय बजारमा सुनको मूल्य बढ्न थालेपछि स्थानीय बजारमा यसको प्रभाव देखिन थालेको हो। बुधबार सुन प्रति औंस २६५०.४२ डलर र चाँदी प्रति औंस ३१ डलर छ। मंगलबार सुन प्रति औंस २६३७.८४ डलर र चाँदी प्रति औंस ३०.५३ डलर थियो।
