काठमाडौं। सुनको भाउ एकैदिन तोलामा २२ सय रुपैयाँ बढेर हालसम्मकै उच्च भएको छ। नेपाल सुनचाँदी व्यवसायी महासंघका अनुसार बुधबार सुनको कारोबार मूल्य प्रति तोला एक लाख ७० हजार ७ सय रुपैयाँ भएको छ।
मंगलबार तोलामा १५ सय रुपैयाँ बढ्दा प्रति तोला एक लाख ६८ हजार ५ सय रुपैयाँमा कारोबार भएको थियो।
चाँदीको मूल्य सामान्य बढेको छ। बुधबार चाँदी तोलामा १५ रुपैयाँ बढेर प्रति तोला २ हजार १ सय २० रुपैयाँ कायम भएको छ।अघिल्लो दिन तोलाको २ हजार १ सय ५ रुपैयाँ थियो।
अन्तर्राष्ट्रिय बजारमा सुनको मूल्य बढेर प्रति औंस २७७७.८३ डलर पुगेको छ। चाँदी प्रति औंस २४.१६ डलरमा कारोबार भइरहेको छ। मंगलबार सुन २७५६.१४ डलर र चाँदी प्रति औंस ३३.९३ डलर थियो।
