काठमाडौं। एसियन लाइफ इन्स्योरेन्सको बोनस सेयर नेपाल स्टक एक्सचेन्जमा सूचीकृत भएको छ। कम्पनीको २४ लाख ४५ हजार ३५७.९ कित्ता सेयर आइतबार सूचीकरण भएको हो।
एसियन लाइफले आर्थिक वर्ष २०७९/८० को मुनाफाबाट ७.७७ प्रतिशत बोनस सेयर दिएको थियो। बोनस सेयर वितरणपछि कम्पनीको चुक्ता पुँजी ३ अर्ब ३९ करोड ९८ लाख रुपैयाँ पुगेको छ।
नेपाल बीमा प्राधिकरणले तोकेको चुक्ता पुँजी कायम गर्न कम्पनीले अब १ अर्ब ६० करोड रुपैयाँ पुँजी जुटाउनुपर्नेछ। प्राधिकरणले जीवन बीमा कम्पनीको चुक्ता पुँजी ५ अर्ब रुपैयाँ तोकेको छ।
तोकिएको पुँजी कायम गर्न एसियन लाइफले ४२ प्रतिशत हकप्रद सेयर निष्कासन गर्ने निर्णय गरिसकेको छ।