नागरिक लगानीकोष र राष्ट्रिय बीमा कम्पनीमा जागिर खुल्यो, सहायकदेखि व्यवस्थापकसम्मले पाउने





काठमाडौं। नागरिक लगानी कोष र राष्ट्रिय बीमा कम्पनीले जागिरको लागि विज्ञापन खुला गरेका छन्। नागरिक लगानीकोषले अधिकृत र सहायक स्तरका पदमा १२ जना कर्मचारी माग गरेको छ।

अधिकृत स्तरको छैठौ तहमा ६ जना, सहायकस्तरको पाँचौ तहमा तीन जना र चौथो स्तरको पदका लागि तीनजना कर्मचारी माग गरेको हो।
योग्यता पुगेका नेपाली नागरिकले आजको मितिबाट २१ दिनभित्रमा आवेदन दिन सक्ने कोषले जनाएको छ।

छैठौं तहको पदका लागि स्नातकोत्तर, वरिष्ठ सहायक पदका लागि स्नातक र सहायक स्तरको पदका लागि बाह्र कक्षा उत्तीर्ण गरेको हुनु पर्छ।

TaTa
TVS
Sanima

त्यस्तै राष्ट्रिय बीमा कम्पनीले विभिन्न पदमा ३७ जना कर्मचारी माग गरेको छ। सातौं तहको नायव व्यवस्थापक पदका लागि दुई जनालाई खुला प्रतिस्पर्धाबाट नियुक्त गर्ने भएको हो।

तोकिएको विषयमा स्नातकोत्तर गरेको वा चार्टर्ड एकाउन्टेन्सी गरेकाले आवेदन दिन सक्ने छन्।

छैठौं तहको सहायक व्यवस्थापक पदमा ९ जना माग गरिएको छ। उक्त पदको लागि पनि तोकिएको विषयमा स्नातकोत्तर गरेको वा चार्टर्ड एकाउन्टेन्सी उत्तीर्ण गरेको हुनु पर्नेछ।

कम्पनीले सूचना प्रविधि अधिकृत, सूचना प्रविधि सहायक, स्वास्थ्य सहायक तथा सहायक ‘क’, ‘ख’, पदमा कर्मचारी माग गरिएको छ। आजका मितिले २१ दिनभित्र कम्पनीमा आवदेन दिन सकिने जनाएको छ।  

 


Share this Story

   

नागरिक लगानीकोष र राष्ट्रिय बीमा कम्पनीमा जागिर खुल्यो, सहायकदेखि व्यवस्थापकसम्मले पाउने को लागी कुनै प्रतिक्रिया उपलब्ध छैन ।

नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.
ncell