नबिल बैंकहरुको पनि डन बन्यो, चार्टडको सेयर मूल्यभन्दा नबिलको १६ रुपैयाँले माथि

बिजमाण्डू
२०६९ फागुन २४ गते ००:०० | Mar 7, 2013

काठमाडौं । बिहिवारदेखि नविल बैंक मुनाफामा मात्रै होइन सेयर मूल्यमा पनि बैंकहरुको ‘डन’ बनेको छ, नबिल बैंकले सेयर मूल्यमा स्ट्याण्डर्ड चार्टड बैंकलाई बिहिवारदेखि पछि पारेको छ । बिहिवार नबिल बैंकको प्रतिकित्ता १९२५ रुपैयाँमा कारोवार भयो भने स्ट्याण्डर्ड चार्टड बैंकको प्रतिकित्ता १९०९ रुपैयाँमा कारोवार भयो । स्ट्याण्डर्ड चार्टडलाई पछि पारेर नबिल बैंकले इतिहास रचेको हो ।
बिहिवार बैंकको प्रतिकित्ता ३५ रुपैयाँले सेयर मूल्य बढ्यो भने स्ट्याण्डर्ड चार्टडको प्रतिकित्ता एक रुपैयाँ घटेर १९०९ मा कारोवार भयो । लामो समयदेखि नबिल बैंकले चार्टड बैंकलाई पछ्याइरहेको थियो । चालु आर्थिक वर्षको पहिलो छ महिनामा  आश्चर्यजनक नजिता ल्याउँदै नाफा अर्ब रुपैयाँ नघाएपछि नबिल बैंक र चार्टड बैंकको सेयर अन्तर कम हुँदै गएको थियो ।
बिहिवार पनि सुरुवाती कारोवारमा नबिल बैंक चार्टडभन्दा माथि कारोवार भएको थियो, पछि नविल बैंकको सेयर मूल्य १८५० मा ओर्लिएको थियो भने चार्टडको सेयर मूल्य १९१५ मा पुगेको थियो । अन्तिम कारोवार हुँदा नविल बैंकको सेयर मूल्य ७५ रुपैयाँभन्दा बढी बढेर १९२५ मा कारोवार भयो, चार्टडको प्रतिकित्ता छ रुपैयाँ घटेर १९०९ मा कारोवार भयो ।

Tata
GBIME
Nepal Life



गुड फर पेमेन्ट काण्डले एचएण्डबीको निक्षेप ४० करोडले घट्यो, कर्जामा पनि असर

बिजमाण्डू
२०६९ फागुन २४ गते ००:०० | Mar 7, 2013
गुड फर पेमेन्ट काण्डले एचएण्डबीको निक्षेप ४० करोडले घट्यो, कर्जामा पनि असर


काठमाडौं । गुड फर पेमेन्ट र क्यास सर्टेजपछि समस्यामा परेको एचएण्डबी बैंकको निक्षेप घट्न थालेको छ । चालु आर्थिक वर्षको दोस्रो त्रैमास पुस मसान्तको तुलनामा फागुन २१ सम्म ४० करोड रुपैयाँले निक्षेप घटेको छ । पुस मसान्तसम्म बैंकसँग छ अर्ब ७८ लाख रुपैयाँ थियो तर स्टक एक्सचेञ्जलाई फागुन २१ गते पठाएको वित्तीय विवरणमा निक्षेप पाँच अर्ब ६१ करोड ८० लाख रुपैयाँमा झरेको छ । दोस्रो त्रैमासको अन्तिमसम्म बैंकसँग नगद तथा बैंक व्यालेन्समा ८५ करोड रुपैयाँ थियो भने पछिल्लो वित्तीय प्रतिवेदनमा त्यो घटेर ६३ करोडमा झरेको छ ।
बैंकको रिजर्भसमेत घटेको छ, दोस्रो त्रैमासको अन्तिमसम्म रिजर्भमा १६ करोड ४३ लाख रुपैयाँ रहेकोमा त्यो अहिले घटेर ११ करोड ७४ लाख रुपैयाँमा झरेको छ । बैंकले आफ्नो वित्तीय अवस्थालाई सहज बनाउन लगानी समेत घटाएको छ, दोस्रो त्रैमाससम्म बैंकले छ अर्ब एक करोड रुपैयाँ भएकोमा अहिले त्यो घटेर पाँच अर्ब ७२ करोडमा झरेको छ ।
बैंकका कुलेश्वर शाखा प्रमुख निरज नेपालले गुड फर पेमेन्ट र क्यास सर्टेज गरी झण्डै एक अर्ब पाँच करोड रुपैयाँ घोटला गरेको प्रहरी अनुसन्धानमा देखिएको छ । काण्ड सार्वजनिक भएपछि बैंकको वित्तीय अवस्था खस्किंदै गएको छ । यही कारण बैंकको निक्षेप समेत घट्न थालेको हो । वित्तीय अवस्था कमजोर हुँदै गए पनि बैंकले अहिलेसम्म गुड फर पेमेन्ट र क्यास सर्टेजको भुक्तानी भने गरेको छैन् । बैंकले सूचना जारी गरेर यस विषयमा अझ थप छानविन भैरहेको र अदालतमा मुद्धा परेको जानकारी दिंदै तत्काल भुक्तानी हुन नसक्ने बताएको छ । यही कारणमा अहिलेसम्म नेपालसहित बैंकका एक दर्जन अधिकारी पक्राउ परिसकेका छन् । एचएण्डबीले जारी गरेको गुड फर पेमेन्ट चेकलाई धितो राखेर ऋण प्रवाह गरेको आरोपमा वैभव फाइनान्सका तत्कालीन प्रमुख कार्यकारी अधिकृत केशवनरसिंह श्रेष्ठ समेत अहिले प्रहरी हिरासतमा छन् ।
एचएण्डबीका दोस्रो तहका प्रमुख सञ्चानज अधिकृत महेश भुषाल र वित्त प्रमुख निरज नेपाल पनि कारवाहीमा परेका छन् । बैंकमा अर्बौं रुपैयाँको काण्ड हुँदा पनि त्यसको जानकारी नराख्ने प्रमुख कार्यकारी अधिकृत जसुदा सैंजुलाई भने नेपाल राष्ट्र बैंकको प्रभावमा कारवाही गरिएको छैन् ।

Tata
GBIME
Nepal Life