काठमाडौं । नेपालका फुटवल खेलाडी सन्तोष साहुखल पनि व्यवसायी बनेका छन् । उनले चावहिलको केएल टावरमा स्विस घडीको सोरुम खोलेका छन् । ग्रिनविच टाइम जोन प्रालिले स्विस घडी बिक्री थालेको हो ।

कम्पनीले स्विजरल्यान्डमा बनेको क्लड बनार्ड र ज्याकस डुमानो ब्रान्डका घडी बिक्री गर्नेछ ।  नेपालका लागि स्विजरल्यान्डका राजदूत थोमस गास, अखिल नेपाल फुटवल संघका अध्यक्ष गणेश थापा, हास्यकलाकार हरिवंश आचार्य र क्लाउडे बर्नाडका प्रतिनिधि एलेन वोरेलले सोरुम संयुक्त रुपमा उद्घाटन गरे ।
कम्पनीका प्रवन्ध निर्देशक सन्तोष साहुखलले मध्यमवर्गलाई लक्षित गरेर स्विस घडी ल्याएको बताए । स्विस घडी भन्ने वित्तिकै धेरैमा महँगो भन्ने छाप छ त्यसलाई हटाएर मध्यमवर्गलाई लक्षित गरेर दुई वटा ब्रान्डको घडी ल्याएका हौं, उनले भने । कम्पनीले १५ हजारदेखि ५० हजारसम्मका घडी बिक्रीमा राखेको छ । कम्पनीमा ४० लाख रुपैयाँ लगानी गरिएको छ ।