काठमाडौं । सोमबार तोलामा १०० रुपैयाँ घटेको सुनको मूल्य मंगलबार फेरि बढेको छ। आज सुना तोलामा १ हजार १०० रुपैयाँ बढेको हो।

नेपाल सुनचाँदी व्यवसायी महासंघका अनुसार आज सुनको कारोबार मूल्य प्रतितोला एक लाख ५८ हजार १०० रुपैयाँ निर्धारण भएको छ। सोमबार सुन प्रतितोला एक लाख ५७ हजार रुपैयाँमा कारोबार भएको थियो।

यस्तै, आज चाँदीको मूल्य तोलामा १५ रुपैयाँले बढेको छ। मंगलबार चाँदी प्रतितोला एक हजार ८७५ रुपैयाँमा कारोबार भइरहेको छ। सोमबार चाँदी प्रतितोला एक हजार ८६० रुपैयाँ थियो।

अन्तर्राष्ट्रिय बजारमा आज सुनको मूल्य बढ्दै प्रतिऔंस २७२७.६७ डलर पुगेको छ। चाँदीको आज प्रतिऔंस ३०.६१ डलर छ। सोमबार सुनको २७०५.९४ डलर र चाँदी प्रतिऔंस ३०.४ डलरमा थियो।