काठमाडौ । साताको अन्तीम दिन सुन तोलामा दुई सय रुपैयाँले बढेर कारोवार भएको छ । नेपाल सुन चाँदी व्यवसायी संघले शुक्रवारका लागि छापावाला सुन प्रति तोलाको ५८ हजार तीन सय रुपैयाँ तोकेको छ । विहिवार सुन तोलामा तीन सय रुपैयाँले बढेर प्रति तोलाको ५८ हजार एक सय रुपैयाँमा कारोवार भएको थियो । सुनको भन्सार दरमा भएको वृद्धि र अमेरिकी डलरको तुलनामा नेपाली रुपैयाँ मजबुत भएपछि यो साता सुनको मुल्यमा केहि उतार चढाब देखियो । शुक्रवार चाँदी तोलामा चार रुपैयाँले घटेर प्रति तोलाको एक हजार एक सय १५ रुपैयाँमा कारोवार भएको छ । विहिवार चाँदी तोलामा चार रुपैयाँले बढेर कारोवार भएको थियो ।