काठमाडौं। साताको पहिलो दिन सुनचाँदीको मूल्य बढेको छ।आइतबार सुन तोलामा ३ सय र चाँदी तोलामा ५ रुपैयाँ बढेको छ।
नेपाल सुनचाँदी व्यवसायी महासंघका अनुसार सुनको कारोबार मूल्य प्रति तोला १ लाख ८८ हजार ८ सय रुपैयाँ निर्धारण भएको छ।
शुक्रबार सुन तोलामा ७ सय रुपैयाँले बढेर प्रति तोला १ लाख ८८ हजार ५ सय रुपैयाँमा कारोबार भएको थियो।
चाँदीको मूल्य आइतबार तोलामा ५ रुपैयाँ बढेर प्रति तोला १ हजार ९८५ रुपैयाँ भएको छ। शुक्रवार १० रुपैयाँ घटेर प्रति तोला १ हजार ९८० रुपैयाँ थियो।
अन्तर्राष्ट्रिय बजारमा सुनको कारोबार मूल्य प्रति औंस ३२८९.८७ डलर छ। चाँदी प्रति औंस ३२.९८ डलरले कारोबार भइरहेको छ।
