काठमाडौं। सरकारले स्थानीय तहदेखि संघ सरकारसम्मको सरकारी सेवामा इन्टर्नलाई प्रयोग गर्ने भएको छ।
शुक्रबार संघीय संसद्को संयुक्त बैठकमा राष्ट्रपति रामचन्द्र पौडेलले प्रस्तुत गरेको आगामी आर्थिक वर्ष २०८२/८३ को नीति तथा कार्यक्रममा स्नातक तहभन्दा माथिका विद्यार्थीहरूलाई विभिन्न अनुसन्धान संस्थामा आबद्ध गर्ने घोषणा गरिएको छ।
सरकारले हप्तामा बढीमा २० घण्टा कामको न्यूनतम ज्याला निश्चित गरी ‘कमाउँदै-पढ्दै’ को नीति लागू गर्ने भएको हो।
