काठमाडौं। प्रधानमन्त्री केपी शर्मा ओलीले आगामी आर्थिक वर्ष २०८२/८३ को बजेटबारे मन्त्री र सचिवहरुसँग छलफल गर्ने भएका छन्।
उनले बजेटबारे छलफलका लागि मन्त्री र सचिवहरुलाई बिहीबार दिउँसो सवा दुई बजे प्रधानमन्त्री कार्यालयमा बोलाएकमा छन्।
विषयगत मन्त्रायहरुले आगामी आर्थिक वर्षका योजना र कार्यक्रम अर्थ मन्त्रालयमा बुझाएको करिब दुई सातापछि ओलीले छलफल राखेका हुन्।
विषयगत मन्त्रालयहरुले बजेटको आकार २३ खर्ब नाघ्ने गरी कार्यक्रम प्रस्ताव गरेका छन्। उनीहरुले स्थानीय तहले गर्ने स्तरका योजना पनि प्रस्ताव गरेका छन्।
