काठमाडौं। विकास बैंकले खुद नाफा बढाएका छन्। चालु आर्थिक वर्ष ६ महिनामा राष्ट्रियस्तरका अधिकांश विकास बैंकले खुद नाफा बढाएका हुन्।

सोमबार सार्वजनिक गरिएको वित्तीय विवरण अनुसार पुस मसान्तसम्म राष्ट्रियस्तरका ८ वटा सहित १० वटा विकास बैंकले २ अर्ब ६५ करोड ३५ लाख रुपैयाँ खुद नाफा आर्जन गरेका छन्। यो रकम पोहोर सोही अवधिको तुलनामा १७.६३ प्रतिशत धेरै हो।

विकास बैंकले दुई आर्थिक वर्षको पहिलो ६ महिनामा कमाएको खुद नाफा रु हजारमा

गत वर्ष पुससम्म १० वटा विकास बैंकले २ अर्ब २५ करोड ५६ लाख रुपैयाँ नाफा कमाएका थिए। राष्ट्रियस्तरका विकास बैंकतर्फ लुम्बिनी र साइन रेसुङ्गा बाहेकले नाफा वृद्धि गरेका छन्।

लुम्बिनी र साइन रेसुङ्गाको नाफा घटेको छ। बैंकहरुको खराब कर्जा औसतमा ५.३६ प्रतिशत पुगेको छ। गत वर्ष ३.४७ प्रतिशत रहेकामा अहिले १.८८ प्रतिशत विन्दुले बढेको हो।

विकास बैंकको दुई आर्थिक वर्षको पहिलो ६ महिनाको निष्कृय कर्जा प्रतिशत

खराब कर्जाका कारण प्रोभिजनिङ रकम बढेको छ। पुससम्म विकास बैंकले ३ अर्ब १२ करोड ६८ लाख रुपैयाँ प्रोभिजनिङ गरेका छन्। यो रकम पोहोर सोही अवधिको तुलनामा १०.४६ प्रतिशत धेरै हो। बैंकहरुले गत वर्ष दोस्रो त्रैमासमा २ अर्ब ८३ करोड रुपैयाँ प्रोभिजनिङ गरेका थिए।

विकास बैंकले दुई आर्थिक वर्षको पहिलो ६ महिनामा गरेको प्रोभिजनिङ रकम रु हजारमा

वित्तीय विवरढ सार्वजनिक गरेकामध्ये गरिमा विकास बैंकको प्रति सेयर आम्दानी सबैभन्दा धेरै छ। कर्पोरेट डेभलपमेन्ट बैंकको प्रति सेयर आम्दानी भने सबैभन्दा कम छ। पुँजीकोषका आधारमा सिन्धु विकास बैंक कमजोर देखिएको छ।

विकास बैंकको चालु आर्थिक वर्ष दोस्रो त्रैमाससम्मको प्रति सेयर आम्दानी, प्रति सेयर नेटवर्थ र पुँजीकोष अनुपात