काठमाडौं। सुनको कारोबार मूल्य गत सातादेखि पुनः लगातार बढ्न थालेको छ। साताको पहिलो दिन पनि तोलामा १ हजार ७ सय रुपैयाँले बढेको छ।
नेपाल सुनचाँदी व्यवसायी महासंघका अनुसार आइतबार सुनको कारोबार मूल्य प्रति तोला १ लाख ६७ हजार २ सय रुपैयाँ निर्धारण भएको छ।
अघिल्लो दिनका तुलनामा १ हजार ५ सय रुपैयाँ बढ्दा शुक्रबार सुन प्रति तोला १ लाख ६५ हजार ५ सय रुपैयाँमा कारोबार भएको थियो।
चाँदीको भाउ पनि तोलामा २० रुपैयाँ बढेको छ। आइतबार कारोबार मूल्य प्रति तोला १ हजार ९ सय ६० रुपैयाँ कायम भएको छ। अघिल्लो दिनका तुलनामा १० रुपैयाँ घट्दा शुक्रबार प्रति तोला १ हजार ९ सय ४० रुपैयाँमा कारोबार भएको थियो।
अन्तर्राष्ट्रिय बजारमा सुनचाँदीको कारोबार मूल्य बलियो भएको छ। आइतबार सुनको भाउ बढेर प्रति औंस २७१५.२८ डलर पुगेको छ भने चाँदी प्रति औंस ३१.३४ डलरले कारोबार भइरहेको छ।
