काठमाडौं । हिमालयन लाइफ इन्स्योरेन्सको खुद नाफमा गिरावट आएको छ। चालु आर्थिक वर्षको तेस्रो त्रैमाससम्म कम्पनीले ४३ करोड ५४ लाख रुपैयाँ खुद नाफा आर्जन गरेकको हो।
कम्पनीले आर्जन गरेको खुद नाफा पोहोर ९ महिनाको तुलनामा ७.९८ प्रतिशतले कम हो। हिमालयन लाइफले पोहोर ९ महिनामा ४७ करोड ३२ लाख ६३ लाख रुपैयाँ खुद नाफा कमाएको थियो।
कम्पनीले चैतसम्म खुद प्रिमियम संकलन ८.४० प्रतिशतले वृद्धि गरेको छ। १२ अर्ब २ करोड रुपैयाँ खुद प्रिमियम आर्जन पुगेको छ।
कर्जा तथा लगानीबाट हुने आम्दानी १४.०९ प्रतिशतले वृद्धि भएर ४ अर्ब १२ करोड रुपैयाँ पुगेको छ।
कम्पनीको चुक्ता पुँजी ८ अर्ब २ करोड रुपैयाँ छ। प्रति सेयर आम्दानी ७.२४ रुपैयाँ र प्रतिसेयर नेटवर्थ १२४.२५ रुपैयाँ रहेको छ।
