पुटिनका सहयोगीकी ८ वर्षीया छोरी लन्डनमा मल्टी-मिलिनियर डलर अपार्टमेन्टको मालिक

बिजमाण्डू
२०७९ चैत्र ४ गते १०:२८ | Mar 18, 2023
पुटिनका सहयोगीकी ८ वर्षीया छोरी लन्डनमा मल्टी-मिलिनियर डलर अपार्टमेन्टको मालिक


काठमाडौं। भ्लादिमिर पुटिनका सहयोगीका ८ वर्षीय छोरी लन्डनको सबैभन्दा विशेष क्षेत्रमा मल्टी-मिलिनियर डलर अपार्टमेन्टको मालिकको रूपमा सूचीबद्ध भएकी छन्।

Tata
GBIME
Nepal Life

भ्लादिमिर ग्रुजदेव भ्लादिमिर पुटिनका सहयोगी हुन्। फोर्ब्सका अनुसार उनको कुल सम्पत्ति २०२१ मा ९० करोड डलर हुने अनुमान गरिएको थियो। उनकी ८ वर्षीया छोरीसँग लण्डनमा रहेको एउटा अपार्टमेन्ट छ, जसको मूल्य आज ५ करोड डलरदेखि १० करोड डलरसम्म हुन सक्ने अनुमान छ।

उनको स्वामित्व रुसले युक्रेनमा आक्रमण गर्नुभन्दा २० दिन अघि सुरु भएको रेकर्डले देखाएको छ। उनलाई पहिलो पटक गत वर्ष फेब्रुअरीमा विलासी सम्पत्तिको मालिक घोषित गरिएको थियो।

भ्लादिमिर ग्रुजदेवले राजनीतिमा क्यारियर सुरु गर्नु अघि एक किराना पसल टाइकुनको रूपमा आफ्नो नाम बनाएका थिए। जसले उनलाई सन् २०१० मा पुटिनसँग विशेष सहयोगीका रुपमा काम गर्ने मौका प्राप्त भएको थियो।

टाइम्स अफ लन्डनले पहिलो पटक अपार्टमेन्टको बारेमा ट्रान्सपरेन्सी इन्टरनेशनल, भ्रष्टाचार विरोधी गैर-नाफामूलक संस्थासँगको अनुसन्धानमा रिपोर्ट गरेको थियो जसले इनसाइडरसँग सम्पत्तिको विवरण साझा गरेको थियो।

उक्त अपार्टमेन्ट सन् २००० मा केम्यान टापुमा आधारित कम्पनीमार्फत खरिद गरिएको थियो। जहाँ करको दर शून्य प्रतिशत छ।

उनकी छोरीको निवास लन्डनको केन्सिङ्टनमा छ। रोमन अब्रामोविच लगायत रूसका केही शक्तिशाली मानिसहरूले पनि यही सहरको नजिकैको क्षेत्रमा सम्पत्तिहरू खरिद गरेका छन्। जसलाई केही क्षेत्रहरूमा ‘रेड स्क्वायर’ उपनाम दिइएको छ। किनभने धेरै रूसी करोडपतिहरु यही सहरमा बसोबास गर्छन्।

नाइट फ्र्याङ्कको सन् २०२१ रिपोर्टले पत्ता लगाए अनुसार लन्डनमा ८ लाख ७४ हजारभन्दा बढी डलर करोडपतिहरूको घर थियो।