ग्लोबल आइएमई बैंकले होलीमा डिजिटल भुक्तानी गर्दा १५ प्रतिशत क्यासब्याक दिने

बिजमाण्डू
२०७९ फागुन २१ गते १५:४३ | Mar 5, 2023
ग्लोबल आइएमई बैंकले होलीमा डिजिटल भुक्तानी गर्दा १५ प्रतिशत क्यासब्याक दिने


काठमाडौं। ग्लोबल आइएमई बैंकले मोबाइल बैंकिङ एप्लिकेसन तथा क्यूआर पेमेन्ट प्रयोगलाई प्रवर्द्न गर्ने उद्देश्यले डिजिटल होली योजना सार्वजनिक गरेको छ। योजनाअन्तर्गत ग्लोबल स्मार्ट प्लसबाट क्यूआर कोडमार्फत भुक्तानी गर्दा १५ प्रतिशत क्यासब्याक पाइनेछ।

Tata
GBIME
Nepal Life

योजनाअन्तर्गत २०७९ सालको होलीपर्व अर्थात् फाल्गुन २२ र २३ गते ग्लोबल स्मार्ट प्लसबाट क्यूआर कोडमार्फत ग्राहकले जीआइबीएल– आफ्नो मनपर्ने रङको नाम लेखी भुक्तानी गर्दा एक पटकको खरिदको १५ प्रतिशत (१५० रुपैयाँसम्म) क्यासब्याक पाउनेछन्।

बैंकले आफ्ना ग्राहकको सुविधालाई मध्यनजर गरी समय–समयमा यस्ता योजनाहरु ल्याएर ग्राहकहरुलाई प्रत्यक्षरुपमा लावान्भित गर्दै आएको विज्ञप्तिमा जनाएको छ।

बैंकका ७७ जिल्लामा ३६४ शाखा कार्यालय, ३६३ एटीएम, ३२१ शाखा रहित बैंकिङ्ग सेवा, ६४ एक्सटेन्सन तथा राजश्व संकलन काउन्टर तथा ३ वटा बैदेशिक प्रतिनिधि कार्यालयसमेत गरी १,१०० भन्दा बढि सेवा केन्द्रबाट ४० लाख भन्दा बढि ग्राहकहरू माझ सेवा प्रदान गरिरहेको छ।