काठमाडौं। मेन्छियाम हाइड्रोपावर लिमिटेडले फागुन १० देखि २५ गतेसम्म सेयर जारी गर्ने भएको छ। कम्पनीले आयोजना प्रभावित क्षेत्रका बासिन्दा र वैदेशिक रोजगारीमा गएकाहरुका लागि साधारण सेयरको बिक्री खुलाउने भएको हो।
कम्पनीको जारी पुँजी ५४ करोड २५ लाख ८३ हजार ३०० रुपैयाँ छ। कम्पनीले कुल १० प्रतिशत सेयर जारी गर्ने छ।
वैदेशिक रोजगारीमा गएकाहरुलाई १ लाख ८ हजार ५१७ कित्ता सेयर दिइने छ। यसबाहेक आयोजना प्रभावित क्षेत्र संखुवासभाका बासिन्दालाई पनि सेयर दिइने छ।
उनीहरुले सेयर पाएपछि आम सर्वसाधारणलाई बिक्री गरिने छ। कम्पनीको सेयरमा कम्तिमा १० र बढीमा १० हजार कित्ताका लागि आवेदन दिन सकिन्छ।
