काठमाडौं। अर्थमन्त्री विष्णु पौडेलले आगामी आर्थिक वर्षको बजेटलाई लिएर सत्तारुढ नेपाली कांग्रेसका सभापति शेरबहादुर देउवासँग परामर्श गरेका छन्।
पौडेलले सोमबार बिहान बुढानीलकण्ठ पुगेर देउवासँग बजेटबारे परामर्श गरेका हुन्।
देउवाले मुलुकको आर्थिक अवस्थालाई दृष्टिगत गरी मितव्ययिता अवलम्बन गर्न र स्रोतको अधिकतम् सदुपयोग हुनेगरी बजेट निर्माण गर्न सुझाव दिएको पौडेलको सचिवालयले जनाएको छ।
